| COMATAIDH BUILEACHAIDH PLANA CÀNAN | 12 Màrt 2008 |
|
Choinnich Comataidh Buileachaidh Plana Cànan Chomhairle nan Eilean Siar an diugh ri Stiùiriche Seirbheis nam Meadhanan Gàidhlig agus le Neach-cathrach agus Àrd-oifigear Bòrd na Gàidhlig. Chuir an Comataidh meas air an cothrom beachdachadh air obair leasachaidh na Gàidhlig a tha ri choilionadh anns na h-Eileanan an Iar agus leasachaidhean eile gu nàiseanta. Aig fàilteachas ann an Oifisean na Comhairle an raoir thuirt an Neach-gairm Ailig Dòmhnallach, “ Tha mi air leth toilichte gu robh an cothrom seo againn bruidhinn air cùisean a tha nan uallach air coimhearsnachd na Gàidhlig aig àm a tha deatamach ann an eachdraidh a’ chànain.” Thèid togail air an co-obrachadh gnàthaichte eadar a’ Chomhairle agus Bòrd na Gàidhlig, Seirbheis nam Meadhanan Gàidhlig agus buidhnean Gàidhlig eile gus an tig leudachadh air na buannachdan coisinnte ann an dàimh ri ath-bheothachadh a’ chànain thairis air na bliadhnachan mu dheireadh.” Chuir an Comataidh cuideachd fàilte air an naidheachd gu bheil Comhairle na Gàidhealtachd an dùil Aonad eadar-theangachaidh a stèidheachadh, agus leudaichidh seo an ullachadh nàiseanta a’ fighe a-steach ris na tha a’ Chomhairle a’ dèanamh a-thaobh Seirbheisean Amalaichte Gàidhlig, a’ toirt a-steach eadar-theangachadh. ----------------------------------- Comhairle nan Eilean Siar’s Gaelic Committee met today with the Director of Seirbheis nam Meadhanan Gàidhlig and with the Chairman and Chief Executive of Bòrd na Gàidhlig. The Comataidh welcomed the opportunity to discuss the future development of Gaelic related activities within the Western Isles and other developments nationally. At a reception hosted by the Comhairle, Convener Alex MacDonald said, “ I am delighted that we have had this opportunity to discuss matters of importance to the Gaelic community at this crucial time for the language. Comhairle nan Eilean Siar will continue to work constructively with Bòrd na Gàidhlig and Seirbheis nam Meadhanan Gàidhlig and other Gaelic organisations to maintain the momentum of recent years in relation to language revitalisation.” The Comataidh also welcomed the news of a proposal by The Highland Council to set up a Gaelic Translation Unit, as this will enhance the national provision in line with the Comhairle’s Gaelic Integrated Services, which include translation.
Nigel Scott Tel: 01851 709389 (Work) |
|